Kostatuta bada ere, EAJaren udal gobernuak, EH Bilduk eta Azkoitia Baik akordioa erdietsi dute. Urtarrilaren 28ko udalbatzarrean behin-behinean onartuko dute aurrekontua, oposizioko alderdien abstentzioarekin. Azkoitiko Udalaren datorren urteko aurrekontua 18.710.000 eurokoa izango da.

Ana Azkoitia alkatea salatu du herritarrak Gipuzkoako Aldundian nahiz Arartekoan. Gorka Alberdi da salatzailea, eta hark adierazi duenez, alkateak aurrekontuak bozkatzeko udalbatzarra deitu ez izanak "herritarren ongizateari eragindako kaltea" ez da akats tekniko baten ondorio izan, "nahita" hartutako erabaki bat baizik. Gertaerak 21/2003 foru araua ez duela betetzen "egiaztatu" ondoren jo du auzibidera Alberdik.