Aurtengo matrikulazio kanpainan ikastetxeak 37 eskaera jaso ditu, eta Hezkuntza Sailak atzera bota ditu horietako hamahiru. Ezohiko batzar orokorra egin dute ikastetxean, eta "aho batez" onartu dute Eusko Jaurlaritzaren Hezkuntza Saila salatzea epaitegietan. Salaketa bat hamahiru familiek jarri dute, eta bestea, ikastetxeak berak.

Zarauzko La Salle ikastetxean onartuak izan ez diren hamahiru familien ordezkariek ondorengo oharra helarazi dute, haien kezka eta desadostasuna adieraziz, "gure seme-alabak 2025-2026 ikasturtean aukeratutako ikastetxean sartzea lortu ez dugulako".