Asfaltatzeko lanak tarteko, igandetik astelehenerako gauean txandakako zirkulazioa izango da Ezkuztako zubian
uzt 10, 12:08 Azpeitia
GI-631 errepidean, Azpeititik Zestoarako bidean, Urola gaineko zubia eraberritzen ari dira. Urtarriletik ari dira zubia berritzeko obretan, eta semaforo bidez txandaka zuzendu da gune horretako trafikoa. Uztailaren 12tik 13rako gauean errepide zati horretako asfaltatze lanak egitea aurreikusi du Gipuzkoako Foru Aldundiak, eta garraio bereziko ibilgailuek ezingo dute bertatik igaro.
Zestoa eta Errezil arteko GI-3730 errepidea konpontzeko lanak hasiko dituzte astelehenean
Gipuzkoako Foru Aldundiak adierazi duenez, hondatutako lurzoru zatiak konponduko ditu hamar egunez, eta lanek eragina izango dute trafikoan. Errepidea erabat moztuko dute, bizilagunentzat izan ezik.
