Lasaorreka bidean, Otolatik Itzirako bidegurutzera arteko errepide zatian, asfaltoa berritzeko bigarren faseko lanak egin ditu Zestoako Udalak. Joan zen urtean asfaltatze lanen lehenengo fasea egin zuten, eta bigarren fasea amaituta, eremu horretako asfaltatzen lanak amaitu dituzte dagoeneko.
Lan hauek Asfaltos Urretxu enpresak egin ditu, guztira 67.180,52 euroko kostuarekin (BEZ barne). Obren finantzaketan, Gipuzkoako Foru Aldundiak 35.000 euroko diru laguntza eman du.