Zestoako 27 eragilek, horien artean alderdi politiko nagusia (EH Bildu), sindikatuak, eta guraso nahiz kirol elkarteak, babesa adierazi diete abenduaren 16tik aurrera Donostian "elkartasun feminista" gauzatzeagatik epaituko dituzten sei herritarrei, eta bat egin dute igandean, 13:00etan,  herriko plazan talde feministak deitu duen mobilizazioarekin.

Euskararen pizkundera batzeko, biharko agerraldia deitu du Maxixatzenek Azkoitian, herriko eragile ugariren atxikimenduarekin. Hilaren 27ko Bilboko Pizkundea jaialdira joateko autobusak antolatu dituzte herriz herri.