Saihesbideko Sanjuandegi pareko bidegurutzean elkartu ziren atzo hainbat herritar, Elkar-ekinen hileroko deialdiarekin bat eginez. Deitzaileek salatu dute "kalez jantzitako hiru polizia kontzentrazioari argazkiak ateratzen" aritu zirela atzo.

Ekaineko osoko bilkura egin zuten atzo arratsaldean udaletxeko pleno aretoan. Alde batetik, Ortzaika auzoko autokarabana gunea kentzea erabaki dute, behin betikoz; bestetik, Karela kiroldegirako hainbat kirol material errentamendu erregimenean hornitzeko eta instalatzeko kontratua BBVA enpresari adjudikatu zaio.