Urriaren 1etik 4ra bitartean ospatuko dute X. Txisteratik Egun Magikoak jaialdia, askotariko hitzorduekin. Dinamoan, Soreasun eta kalean ez ezik, Basazabal jauregian ere izango dira aurten saioak, eta bihar jarriko dituzte horietara joateko sarrerak salgai. 

50 bat lagunek gozatu zuten atzo iluntzean Garazi Etxabururen dantza emanaldiarekin, Gariren kantuekin, Michele Abregoren ikus-entzunezkoekin, Mikel Alberdiren poesiarekin edota Karlos Ibarbiaren soinu eta irudi esperimentazioarekin, auzoan gora eta behera, bi ordutik gora iraun zuen ibilaldi artistikoan.