Pagoeta natura parkearen bueltako festa ospatu zuten atzo gurutzean zein inguruko zelaian. Ehun lagunetik gora elkartu zituen hitzorduak. Egitarauaren barruan, Aitor Iraeta Gipuzkoako Pottokazaleen Elkarteko kideak pottoken inguruko azalpenak eman zituen, eta Jose Inazio Ganboa Euskal Makil Jokoa elkarteko kideak makila borroka erakustaldia egin zuen, haren jatorria kontatzearekin batera.

Emakumeen Txokoak hamabost urte beteko ditu aurten, eta hori ospatzeko egitaraua antolatzen ari dira. Ekintzen programazioa aurkezteko eta ekarpenak jasotzeko ekainaren 10erako, asteazkenerako, asanblada irekia antolatu dute.