Azken hilabeteetan, Orioko eragile, elkarte eta merkatariek beren eremutik zaintzaren inguruan egiten dituzten praktikak aztertu dituzte. Orain, esperientzia eta testigantza horiek partekatuko dituzte herritarren aurrean. Herriko Plazan izango da ekitaldia, eta aurretik solasaldi bat ere izango da.

Bi herrietan ostegunean banatuko dute informazioa. Afagi elkarteak eta Gipuzkoako Foru Aldundiak sortu dute kanpaina, Alzheimerraren Mundu Egunaren harira. Eman dituzten datuen arabera, Gipuzkoan alzheimerra edo bestelako dementziak dituzten 13.000 pertsona baino gehiago bizi dira, eta 40.000 senide eta zaintzaile ingururi eragiten die.