Gipuzkoako EH Bilduk Herrialdeko Batzarreko kideak elkartu ziren atzo goizean Beasaingo Igartza jauregian. Bilkura horretan, besteak beste, Gipuzkoako Mahai Politikoa osatuko duten hogei kideak berretsi zituzten. Nekane Zinkunegi errezildarra izango da Gipuzkoako EH Bilduren arduradun politikoa, eta eskualdeen ordezkarien artean, Urola Kosta Anuska Esnal Orioko alkateak ordezkatuko du eta Urola Erdia Nagore Alkorta Azpeitiko alkateak.
Bilkuran Maddalen Iriarte EH Bilduren Gipuzkoako bozeramaileak eta Nekane Zinkunegi Gipuzkoako Mahai Politikoaren arduradunak hartu zuten hitza. Zinkunegik adierazi zuen "epe luzeko ikuspegiarekin proiektu partekatuak" eraikitzeko unea dela, "epe motzeko neurri efektistez haratago".