Arteaga auzoan espaloi berria egiteko lanean ari dira, eta aste honetan errepidean bertan egin beharreko lan batzuek trafikoan eragina izango dute. Hori horrela, Zestoatik Zumaia aldera doazen ibilgailuek ezingo dute Arteagako aurreneko sarreratik auzora sartu. Horren ordez, errepidean behera jarraitu eta gasolindegi pareko sarrera erabili beharko dute.
Zestoako Udalaren arabera, lanek ostiralera bitartean izango dute eragina trafikoan, eta astebururako berriro errepidea normaltasunez irekitzea aurreikusten dute. Erakundeak barkamena eskatu du lanek eragin ditzaketen eragozpenengatik.