Albistegia

Etxebizitza eskubidea bermatzeko, espekulazioari ez adierazten zuten pankartak eskuetan zeharkatu dituzte milaka herritarrek Azkoitiko, Azpeitiko, Zarauzko, Zestoako eta Zumaiako kaleak. Aspaldiko mobilizazio jendetsuenak izan dira gaur eskualdean.

1-6 galdu du Anaitasunak Alavesen aurka, gaur Txerloian jokatutako Espainiako Errege Kopako kanporaketa, baina gorritxoak ez dira sentipen txarrez gelditu. Anaitasunako entrenatzaile Loren Barbadok partida amaitzean eskainitako prentsa agerraldian esan du gaurko "emaitzak bi taldeen arteko aldea adierazten" duela, baina zelaian egindako lanarekin "harro" agertu da, lehen zatian egindakoarekin batez ere. Gaurko partidako irudiekin eta adierazpenekin osatutako bideoa da hau. 

Iazko Ardo Egunean, lagunarteko pilota apustu batek sekulako ikusmina sortu zuen herritarren artean, Frontoi Txikiko harmailak jendez estaliz, eta zapatuan, iazkoaren errebantxak, iazkoaren pareko irudiak utzi zituen. Zestoarrak eta Azpeitiarrak dira nor baino nor aritu ziren pilotariak, jarraitzaileei dagokienez behintzat profesionalen inbidiarik behar ez luketenak.

Haur eta gaztetxoentzako ikastaroa egin zuten atzo arratsaldean Zestoako pumptrackean. Bizikletak, patineteak, patinak eta skateak hartuta, parte hartzaileek trebetasunak lantzeko eta ederki pasatzeko aukera izan zuten.

Arroabeko Txikitasunean Handi festaren barruan, giza proba erronka jokatu zuten atzo, larunbatez, Aizarnazabalgo eta Arroabeko emakumeek. 500 kilo inguruko harriarekin hogei minutuan plaza gehien egiten zituenarentzako zen garaipena, eta Aizarnazabalgoak nagusitu ziren; 60 plaza osatu zituzten, eta Arroabekoek, berriz, 57. Proba amaitu ostean, Aizarnazabalgo Ainhoa Etxaberekin eta Arroabeko Lorea Ilundainekin eta Amets Torresekin hitz egin zuen Gukak. Hona hemen hango irudiekin osatutako bideoa. 

Antolatzaileak pozik agertu dira puzzle txapelketaren Azkoitiko lehen aldiak izan duen arrakastarekin. Nerea Soraluzek balorazio positiboa egin du txapelketaz Gukako kameren aurrean.

Ostegunetik igandera askotariko ekitaldiak egin dituzte skate parkearen bueltan, YK Riders Festa tarteko. Urtez urte hazten ari den festaren bosgarren edizioaren balorazio "oso positiboa" egin dute.

YK Riders Festen barruan, scoterretan, bizikletetan nahiz skatetan ibiltzeko duten abilezia erakutsi dute hainbat lagunek; tartean, hainbat azpeitiarrek. Bihar segituko dute egitarauarekin; izan ere, artisau azoka eta umeen bizikleta lasterketak izango dira, baita musika emanaldiak ere.

AP-8 autobideko irteerako biribilgune berritik Abendaño industrialdera doan saihesbideko lehen zatia zabalik dago lehengo astetik. Bide berriak herritik pasatzen den trafiko astuna arintzea du helburu. Guka kalera atera da aldaketa horien inguruan herritarrek duten iritzia jakitera.

Atzo jokatutako proban Amets Aranberri eta Leire Urritegi nagusitu ziren proba luzean, eta motzean, berriz, Asier Medina eta Ania Hernandez izan ziren garaileak. Lauren iritziak bildu zituen Guka Telebistak proba amaitu berritan. 

Bergarako eta Zarauzko Itasua IATko langileek 80 egun baino gehiago daramatzate greba mugagabean, eta atzo aldarrikapenak kalera atera zituzten Borroka da bide bakarra! lelopean. Lege Zaharren Enparantzatik abiatu, eta herriko kaleak zeharkatu zituzten lan baldintzak hobetzea eta enpresarekin benetako negoziazioa izatea eskatuz. Beharginek jakitera eman dutenez, gatazka konpondu ezean greban jarraituko dute.

Asteazken iluntzean sukaldaritza tailerra egin zuten hainbat oriotarrek Aldapa elkarte gastronomikoan, hegaluzea hiru modu desberdinetan prestatuz. Bapo afaldu zuten gero. Parrilla Festaren atariko azken ekintza izan zen. Gaurtik igandera herria bete-betean murgilduko da festa gastronomiko horretan.