Kantuan, dantzan nahiz antzerkia eginez agurtu dute 2025-2026 ikasturtea Errezilgo San Martin herri eskolako ikasleek. Maila guztietako ikasleek egin dute beren ekarpena jaialdian, eta agur berezia egin diete LH6 mailako ikasleei, bertsotan. Errezilgo erraldoiak eta buruhandiak ere jaialdian parte hartu dute.
Gainera, Ekin errezildarrez! lehiaketako sariak banatu dituzte. Izan ere, ikasturtean ikasleen artean Errezilgo hitzak edo berbak ezagutzera eta erabiltzera bultzatzeko lehiaketa egin dute.
Bukaeran, denek batera, Errezil abestia abestu eta dantzatu dute, eta jaialdia borobiltzeko, Guraso Elkarteak eskainitako meriendaz gozatu dute.
(Argazkiak: Errezilgo San Martin herri eskola)