Zestoako haur eta nerabeek aisialdiko eta kiroleko ikastaroetarako diru laguntza eska dezakete Zestoako Udalean. Izan ere, 2026-2027 ikasturterako aisialdiko ikastaroetarako diru laguntza eskatzeko epea ireki dute. Diruz lagunduko dituzten ikastaroak herriko irabazi asmorik gabeko kirol eta aisialdiko elkarteek antolatutakoak izango dira, eta soilik elkarte bateko kuota hartuko dute kontuan.
Herriko haur eta nerabe guztien aisialdia eta kirola egiteko eskubidea bermatzeko helburuarekin eskaintzen ditu Zestoako Udalak diru laguntzak. Eskaera Zestoako Udalaren webgunearen bidez egin daiteke Zestoa.eus atarian, eta bestela, udaleko Gizarte Zerbitzuetara jo daiteke edota 943-14 70 10 (2 luzapena) telefono zenbakira deitu.