Azken 32 urteetan Zarauzko Udalak 300 proiektu baino gehiago babestu ditu munduko 38 herrialde pobretuetan. Ibilbide hori aitortu eta herritarren artean ezagutarazteko, hainbat ekimen antolatu dituzte, tartean Gukarekin elkarlanean egindako dokumentala eta abenduaren 10an egingo duten ekitaldi berezia.

762.755 euroko kreditu aldaketa onartu du Azpeitiko Udalak, eta 450.000 euro baliatuko dituzte Akamendi inguruan berrurbanizazio lanak egiteko. Soreasu antzokiko leihatilaren inguruan estalki bat eraikitzera bideratuko dituzte beste 110.000 euro. Era berean, foruen abolizioaz mozioa onartu dute.