Orioko Udaleko udalbatzak ostegunean egin zuen abenduko ezohiko bilkura, eta bertan, besteak beste, Motondoko itxiturako lursailen erabilgarritasuna onartu zuten aho batez. Onarpenaren bidez, Zuzendaritza Nagusiak datozen asteetan abiatuko ditu bertako lurren egoera modu zehatzagoan baloratzeko aukera emango duten zundaketa lanak.

Joan den ostegunean egin zuten udalbatzarra, eta aho batez onartu zituzten aurrekontuak. Proiektu nagusienak Urdaneta auzoa berrurbanizatzea, auzoetan hobekuntzak egitea, landa lurren digitalizazioarekin jarraitzea eta eraikin publikoak egokitzea eta sendotzea dira.