Mikel Nogales historialariak gidatuta, herriko kultur ondarea eta historikoa ezagutzeko aukera izango dute parte hartzaileek. Zestoako AEKrekin jarri behar da harremanetan txangorako izena emateko. 

Zestoako Udalaren eskariz, udaletxeko areto nagusia inguratzen duen bankada historikoaren gaineko ikerketa eta kontserbazio lanak egin ditu Gipuzkoako Foru Aldundiak. Gutxienez XVIII. mendekoa dela ondorioztatu dute, baina hainbat hipotesi airean daude oraindik. Zestoan kontserbatzen den bakarra da Gipuzkoako Batzar Nagusiek erabiltzen zutena, eta haren balioa azpimarratu dute ordezkariek.