Datorren ostegunean, hilak 22, Zestoako historia poteoan ezagutzeko aukera eskainiko du Zestoako AEK-k. Jakintza edan: Zestoako historia, pote artean izena eman diote ekintzari, eta Mikel Nogales historialariak gidatuta, herriko kultur ondarea eta historikoa ezagutzeko aukera izango dute parte hartzaileek.
Liburutegian jarri dute hitzordua 18:00etan, eta handik abiatuta, Zestoako gune eta eraikin historikoak bisitatuko dituzte, eta Nogalesek haiei buruzko azalpenak emango ditu. Txangoan parte hartzeko, izena eman behar da aldez aurretik zestoa@aek.eus helbide elektronikora idatzita.