Azpeitian da berriro Habitat. Ezkutatu diguten historia erakusketa ibiltaria. Urolako Napar Zuzterrak taldearen eskutik iritsi da hirugarren urtez jarraian Beñi Agirrek gidatutako Nabarralderen egitasmoa, Euskal Herriaren historia sarri ez hain ezagunaz gehiago jakin nahi dutenei zuzenduta.
Gaurtik hilaren 16a arte, 12:00etatik 14:00etara eta 18:00etatik 20:00etara irekiko dute erakusketa egunero Betharrameko udal aretoan. Horrez gain, herriko ikastetxe guztietako ikasle taldeak igaroko dira egunotan erakusketatik, Agirreren eskutik bertan erakusgai dagoen informazioa jaso dezaten. Herriko ikasleei zuzendutako saio horiez gain, bisita gidatu irekia eskainiko du Agirrek berak datorren asteazkenean, urtarrilaren 14an, 18:30ean.