Muñagorri, el conde y las condesas liburuan oinarritutako hitzaldia antolatu du Munoaundi elkarteak bihar, asteartea, 19:00etan, Azoka Plazako hitzaldi aretoan. Solasaldian Eugenio Ibarzabal liburuaren egileak parte hartuko du. Ibarzabalek iazko martxoan kaleratu zuen liburua, Erein argitaletxearekin.
Munoaundi elkarteak adierazi du, biharko solasaldia Euskal Herriko XVIII. eta XIX. mendeetako historiari buruzko izango dela. "Muñagorri ardatz hartuta idatzitako liburua da Ibarzabalena. Gizon hori karlistaden garaian pertsona ospetsua izan zen. Bakea eta foruak lelo hartuta ibili zen Muñagorri, foruak nahi zituelako, baina gerrarik gabe".