Aurten, irailaren 27an, 50. urte beteko dira diktadura frankistak ETAko kide ziren Juan Paredes 'Txiki' zarauztarra eta Angel Otaegi azpeitiarra fusilatu zituenetik Cerdanyola del Vallesen (Katalunia) eta Burgosen (Espainia), hurrenez hurren, eta GUKAk atal honetan bilduko ditu urteurrenaren bueltako eduki guztiak.
Espainiako Gobernuak "legez kanpokotzat eta baliogabetzat" jo ditu Txikiren eta Otaegiren kontrako epaiketa eta heriotza zigorrak
Memoria Demokratikoari buruzko 20/2022 Legea aplikatuta, Jon Paredes Txiki-ren eta Angel Otaegiren aldeko Aitorpen eta Erreparazio Pertsonalerako Adierazpena onartu du Espainiako Gobernuak, eta horrekin aitortu du "arrazoi politikoengatik, bermerik gabe eta giza eskubideak urratuta" jazarri zituztela. Familiak pozik daude albistearekin, nahi zutena lortu dutelako.
