Zer gertatzen da gizonek zaintzea aukeratzen dugunean? izenburupean ari da tailerra ematen Gorka Iriarte Lezaun, eta saioetan, zaintzaren inguruan dituzten bizipenak eta gogoetak partekatzen dituzte parte hartzaileek. Otsailean eta martxoan saio bana egingo dute. 

Dantza kantujira, herri afaria, film laburren emanaldia eta kontzertua antolatu dituzte Getariako Ahalduntze Taldeak, udalak eta Elan-Euskadik martxoaren 7tik 14ra. Film laburrak Palestinako emakume zinemagileek zuzendutakoak dira, eta haietako bat herrian bertan izango da, solasaldia eskaintzeko.