Getariako Udalak martxan du Getariako jai eta aisialdi guneetan eraso matxistei aurre egiteko diagnostiko eta protokoloaren idazketa prozesua, eta lanketa horren barruan, datorren asteartean, hilak 31, herritarren ekarpenak jasotzeko saioa egingo du. Hitzordua Zarautz jauregian izango da, 18:30ean.
Lanketa Sortzen aholkularitza taldea ari da gidatzen. Udalak nabarmendu duenez, genero indarkerian eta emakumeen ahalduntzean adituak dira. Orain egun batzuk, udalak herriko gazteen iritziak biltzeko egin zuen beste bilera ireki bat, hura Alondegian.
Apirilaren 24an aurkezpena
Getariako Udalak apirilaren 24an aurkeztuko du eraso matxistak prebenitzeko eta horien aurrean jarduteko diagnostikoa eta herri protokoloa, eta martxoaren 12an hitzaldia eskaini zuten Sortzeneko kideek gaiaren harira. Hemen irakur daiteke hitzaldiaren kronika.