Aizarnazabalen ere kalera irten dira Martxoaren 8an. Euskal Herriko Mugimendu Feministaren aldarriak bere eginda egina zuen deialdia Aizarnazabalgo Mugimendu Feministak, eta Indamendi atarian elkartu dira hainbat herritar eguerdian, deialdi horri erantzunez. Zapalkuntza sistemen aurrean antolakuntza eta borroka leloa idatzita zuen pankartarekin, feminismoa ardatz duen mundua aldarrikatu dute.
Emakumeen Nazioarteko Egunaren harira antolatutako ekintzak martxoaren 18an bukatuko dira Aizarnazabalen. Egun horretan, plazeraren eta fantasiaren inguruko tailerra emango dute eskolako gimnasioan, 18:00etan.
(Argazkia: Utzitakoa)