Getaria Arraun Elkarteko 'Esperantza' trainerua Eusko Label ligan lehiatuko da aurtengo denboraldian ere, eta atal honetan ikusi ahalko dira kronikak, sailkapenak, iritziak eta askoz gehiago.
Estropada ona egin du Getariak, eta bikaina Oriok
Getariak lan ona egin du Eusko Label ligako azken jardunaldian, eta bigarrena izan da lehenengo txandan. Liga seigarren postuan amaitu dute getariarrek, eta udalak eta herritarrek ongietorria egingo diete gaur, 19:30ean. Oriotarrak, berriz, bigarren izan dira Urdaibairen atzetik helmugaratuta, bederatzi segundora.
