Erreportajeak

Danborradan irteteko aurrez hamaika lan egin behar izaten dituzte danbor taldeetako kideek. Horretarako, talde bakoitzak batzorde bat izaten du antolatuta. Loiolatxo elkartearen eta Zezenzaleak danbor taldearen ereduak ezagutu ditu Gukak.

Soreasuko Sebastian Donearen parrokiak gordetzen dituen hainbat garaitako elementu arkitektonikoak eta altxorrak aletu ditu Ander Ugartek parrokiara egindako bisitan. Parrokiaren ataritik hasi eta barrurainoko ibilbidean, eraikinak gordetzen duen ondarearen zati bat ezagutzeko aukera eskainiz.

2026an ehun urte beteko dira Urolako trena martxan jarri zutenetik, eta urtemuga hori tarteko, horixe da San Sebastian eguneko haurren danborradan aterako duten karrozaren gaia: Urolako trena. Proiektu horren inguruan hitz egin dute Arte eta Diseinu Ikastegiko irakasleek, Juanjo Olaizolak eta Fermin Lasak.

Olaia Eizagirrek, Martina Urteagak eta Maialen Ajuriak bultzatutako podcastak aniztasun funtzionala duten gazteei ahotsa eman die Zarauzko Arraio irratian.

'Black Friday' izango da bihar, erosleek beherapen handiak espero dituzten eguna. Tokiko merkataritzarentzat erronka handia bihurtu da kanpaina hori.

Gau Beltza ospatzeko asmoarekin, Gurutxurtu aisialdi taldeak euskal ohiturak pasarte beldurgarriekin uztartzen dituen ibilbidea prestatu du Santa Klaran.

Arrain freskoa eta kalitatezkoa iristen da gure arrandegietara, baina jeneroari ahalik eta zuku gehien ateratzeko, komeni da gutxieneko ezagutza izatea. Herritarrei hainbat aholku eman zien ostegunean Carmen arrandegiko Olga Mujikak Salatxo aretoan emandako hitzaldian, eta orain, Guka Telebistari kontatu dizkio horiek arrandegitik bertatik.

Erniarraitz bertsozale elkarteak 25 urte bete ditu. Azkoitian, Azpeitian, Errezilen eta Zestoan bertsoaren habia izan da Erniarraitz, Hernio eta Izarraitz magaleko bertsolarien eskola. Bihar egingo dute mende laurdeneko ibilbidea ospatzeko festa, eta horren atarian, erreportaje berezia kaleratu du Gukak. Hastapenetako, ondorengo loraldiko eta gaur egungo bertsolarien eta elkarteko kideen bizipenak jasotzen dira bertan: Laxaro Azkune, Imanol Lazkano, Manuel Agirretxe, Haritz Etxeberria Ministro, Eneritz Artetxe, Jon Gurrutxaga, Naia Arrizabalaga, Joanes Azpillaga eta Suhar Gesalaga. 

Guka telebista kalera atera da gaur goizean Orion. Herritarrek nola bizi izan zuten igandeko eguna, gizonezkoen traineruak Kontxako Bandera irabazi berritan? Hona hemen adin desberdinetako bost herritarren iritziak.

Gorka Larrañaga artista azkoitiarrak Aizpurutxon dantza lotuak izan zituen mugak ageriko egiteko bi mural margotu ditu. Mugez, debekuez eta zigorrez hitz egin dute garai hartako erromeriak ezagutu zituzten lagunek.