Gaur arratsaldean gaztelekura gerturatzen diren gazteek mus txapelketan parte hartzeko aukera izango dute. Ludotekan, berriz, bingo musikatua antolatu dute Haur Hezkuntzakoentzat. 

11 upategitako ardoak dastatzeko aukera izango da Azpeitiko 19. Ardo Egunaren barruan, eta egun horren bueltan egingo den hamabigarren Euskal Herriko Txorizo Egosi Lehiaketan, hemezortzi harategik parte hartuko dute. Gainera, txorizo egosi pintxoez gainera, hiru gaztandegitako gazta pintxoak jateko aukera egongo da etzi, 11:30etik 14:30era artean, plazan.