Atzo hasi ziren herriko adinekoak Jubilatuen eta Pentsiodunen Astea ospatzen; Sanjuandegiko Baigeran bingoan aritu ziren dozenaka lagun. Gaurtik igandera bitartean askotariko ekitaldiak egingo dituzte, eta azken egunean 90 urteko 57 herritar omenduko dituzte, Azoka Plazan egingo duten bazkarian.

Bertsolaritza eta dibulgazio zientifikoa uztartuko dira Modelo aretoan asteartean, 19:00etan. Arantzazu Luzarraga, Jon Gardoki eta Xabier Arregi zientzialariak proposatutako galderak bertsoz erantzungo dituzte Andoni Egaña eta Eli Pagola bertsolariek.