Gabonen atarian, Aiako Iturraran parketxeak "basoko altxorrak apaingarri" bihurtzeko tailerra antolatu du. Azaroaren 22an, igandearekin, izango da hitzordua parketxean bertan, eta izen ematea dagoeneko zabalik da.
Tailerrari ekin baino lehen, parte hartzaileak 10:30ean elkartuko dira basoko elementuak jasotzeko, besteak beste, adarrak, pinaburuak edota hosto lehorrak. Ondoren, bildutako materialarekin, Gabonetarako apaingarri "magiko eta pertsonalizatuak" sortuko dituzte.
Jardueran parte hartzeko, interesdunek 943-83 53 89 zenbakira deitu ala iturraran@gipuzkoanatura.eus helbidera idatzi dezakete. Helduek zortzi euro ordaindu beharko dituzte; 12 urte bitarteko haurrek, berriz, sei euro.