Zabalik dira dagoeneko Aiako ludotekako eta gaztelekuko ateak, eta hilabete honetan askotariko jarduerak eskainiko dituzte herriko haur eta gaztetxoentzat bi espazio horietan.
Ludoteka ostiral eta larunbatetan dago zabalik Haur Hezkuntzako umeentzat, 17:00etatik 20:00etara, eta honakoa izango da hilabete honetako eskaintza:
- Gaur, ostirala. Bingo musikatua.
- Azaroak 13, ostirala. Jolas berrien eguna.
- Azaroak 20, ostirala. Altxorraren bila herritik.
- Azaroak 27, ostirala. Egun berezia. Informazio gehiago aurrerago.
Gaztelekua, berriz, ostiraletik igandera egongo da erabilgarri, LH 1tik LH 6ra bitarteko gaztetxoentzat, eta honako jarduerak eskainiko dituzte asteburu honetan:
- Gaur, ostirala. Mus txapelketa.
- Bihar, larunbata. Ekintza antolaketa.
- Etzi, igandea. Topaketa, gabonetako eskaintza antolatzeko.