ELA eta LAB sindikatuek deituta manifestazio jendetsua egin dute Sidenorreko langileek, enpresako nagusiek hartutako erabakien kontra eta bertako industriaren defentsan. Joan zen astetik zuten deituta protesta, baina aste honetan iritsi diren berriek are gehiago larritu dute Azkoitiko plantako langileen egoera. Izan ere, Sidenorrek jakinarazi du Azkoitiko laminazio trenaren ekoizpena eten eta 36 langile Reinosara lekualdatuko dituela. Egoera salatzera eta haien lanpostuak defendatzera atera dira enpresako langileak.