Euria goian behean ari zela hasi zituzten San Martin jaiak ostiral arratsaldez Errezilen. Zelatungo Antonioren eta Agirretxe bordetako kideak arduratu ziren jaiei hasiera emateko suziria botatzeaz. Hain zuzen, Maria Jesus Etxeberriak eta Iñaki Irulegik bota zuten txupinazoa. Aurten, ezohiko eran egin zuten festei hasiera emateko ekitaldia, udaletxea obretan baitago. Hala ere, hainbat izan ziren txupinazoa ikustera bertaratu ziren herritarrak. Etxeberria eta Iruregi eskertuta agertu ziren.