Sanmartinetako ekitaldi nagusiak asteburuan egin dituzte Errezilen, baina gaur San Martin eguneko ekintzak dituzte. 11:00etan hasita meza nagusia izan dute, eta segidan, hamaiketakoa egin dute Borondegin. Bitartean, hainbat haur eta helduk Sagarra eta Akerra erraldoiak atera dituzte kalejiran, haur batzuk buruhandiak ere atera dituzte. Eskolatik Beheko plazara arteko ibilbidea egin dute, eta Borondegi ataian dantzan ibili dira.
Arratsaldean, berriz, 17:00etan hasita Aztikeriak ikuskizuna izango da frontoian.
Igandean bukatuko dituzte sanmartinak Errezilen Jubilatuen Egunarekin. 14:00etan izango da jubilatuen bazkaria bertsolariek eta trikitilariek girotuta.