Ertzaintzak gidari bat atxilotu du Zestoan, polizia kontrol batetik ihes egin ostean
ira 18, 15:09 Zestoa
Atzo, osteguna, 19:00 aldera izan ziren gertakariak. GI-631 errepidean jarritako kontrol batean gelditzeko aginduari uko egin eta ihesari eman zion gizonak. Ihesaldian debekatutako maniobrak egin zituela adierazi du Ertzaintzak, baita bi agente zauritu zituela ere. Horiek horrela, desobedientzia delitua eta ausarkeriaz gidatzeagatik bide segurtasunaren aurkako beste delitu bat egitea leporatu dizkiote.
"Ertzaintzaren aurkako pintaketak" gaitzetsi ditu Zestoako EAJk
ira 18, 14:48 Zestoa
Zestoako hainbat eremu publikotan "PNV (M), lotu zure txakakurrak" irakur daitezkeen mezuak agertu direla jakinarazi dute jeltzaleek, eta "irmo" gaitzetsi dituzte pintaketak. Espazio publikoa "guztiena" dela gogoratu dute, eta ohartarazi dute ezin dela dela erabili "herritarren zerbitzura lan egiten duten pertsonak eta kolektiboak seinalatzeko, iraintzeko zein hauen aurkako erasoak" egiteko.
