Urtero bezala, plazan alderik alde jarritako traka zaratatsuak eman zien Aiako festei hasiera atzo arratsaldean, baina udalak iragarri bezala, egon zen ezustekorik ere: izan ere, trakaren aurretik, Izer eta Alaiber trikitilarien laguntzarekin dantza saioa egin zuten festak antolatzeaz arduratzen diren eragileetako ordezkariek. Traka pizteaz herriko neska gazte kuadrilla bat arduratu zen: aurtengo Txaparrotan eskubaloi txapelketa irabazi dutenek, alegia. Jaiak ondo hasteko, herri afaria egin zuten 300 lagunek frontoian.