Asteartetik aurrera Zestoako sei bizilagun epaituko dituzte Donostiako Auzitegian emakume bati "elkartasun feminista adierazteagatik". Herriko gizon batek bere bikotekide ohia nahiz hura babestu zuten bost herrikide salatu zituen 2018an integritate moralaren aurkako nahiz derrigortze delituengatik, eta zazpi urte iraun dituen prozesuaren ostean, datorren astean hasiko da haien aurkako epaiketa. "Elkartasun feminista" epaituko dutela salatu du Zestoako Mugimendu Feministak, eta auzipetuei babesa agertzeko mobilizazioa egin dute gaur eguerdian Zestoako plazan. Ehunka izan dira deialdira batu direnak.
Gaurko elkarretaratzeko argazki bilduma eta albiste osatua, hemen.
