Meza, hamaiketakoak, dastaketak, haurrentzako jolasak, kanpai hotsak, hitzaldiak... San Martin eguna ospatzeko askotariko ekintzak izan dituzte eta izango dituzte gaur Errezilen, Askizun, Azkoitiko San Martinen, Lasaon, Ortzaikan nahiz Urdanetan. Toki horiek guztietako goiz eta eguerdi parteko jai ekitaldien irudiekin osatu du Gukak bideo hau.
Gehienetan festetako azkena, beste batzuetan hasierakoa, erdibidekoa ere bai zenbaitentzat, jai giroko ekitaldiz betetako astelehena dute gehienek azaroaren 11 hau.
Ondoko estekan daude jasota eskualdeko San Martin jaietako egitarau guztiak. Izan ere, sanmartinek jarraipena izango dute Errezilen, Azkoitian, Lasaon eta Ortzaikan.
