Arropa zuria eta zapi gorria jantzita eta egunkariak eskuan zituztela atera dira gaur eguerdian Zestoako udalekuetako haurrak plazara, San Fermin Txiki ospatzeko hitzordua baitzuten.
12:15 aldera elkartu dira guztiak herriko plazan, urduri, eta pregoia irakurri dute udaletxeko balkoitik. Jarraian, 12:30ean, Erdikaletik hasita sanferminetako entzierroa egin dute, bi multzotan banatuta. Amaieran, festa borobiltzeko gozokiak banatu dizkiete haurrei.
Eskualdean, ostiralean ospatu zuten San Fermin Txiki Aian, Azkoitian, Azpeitian eta Getarian, eta atzo egin zuten Zarautzen eta Orion.