Herriz herri eta doan banatuko du Gipuzkoako Foru Aldundiak datozen egunetan 2016rako prestatu duen egutegia. Aurten ere lehiaketa bidez aukeratu dituzte foru erakundearen egutegirako irudiak, eta Errezilgo, Orioko eta Zarauzko irudiak daude argitalpena ilustratzeko aukeratu dituztenen artean.
Egutegiaren banaketari dagokionez, egutegiak Gipuzkoako herri bakoitzean zer egunetan, tokitan eta ordutan banatuko dituen jakinarazi du gaur aldundiak. Urola Kostako herrietan abenduaren 14an, 15ean eta 16an jarriko dituzte banaketa postuak. Hau da eskualdeko hitzorduen zerrenda:
Abenduaren 14a, igandea
- Orio. Herriko plaza. 10:00-11:00.
- Zarautz. Lege Zaharren Enparantza. 11:30-13:30.
- Getaria. Udaletxea. 15:30-16:30.
- Zumaia. Amaia plaza. 17:00-18:00.
- Aizarnazabal. Herriko plaza. 18:30-19:30.
Abenduaren 15a, astelehena
- Aia. Gozategi enparantza. 10:00-11:00.
- Zestoa. Herriko plaza. 11:30-12:30.
- Errezil. San Martin elizaren ondoan. 13:00-14:00.
- Azpeitia. Herriko plaza. 16:00-17:30.
- Azkoitia. Herriko plaza. 18:00-19:00.
Abenduaren 16a, asteartea
- Beizama. Herriko plaza. 10:00-11:00.