Larunbatean ekingo dio Biele ISBk Bigarren Federazio Ligari. Ligako oilarretako bat izango dute arerio zapatuan (18:00), Azpeitiko kiroldegian, ISBko gizonek: mailaz igotzeko kiniela askotan ageri den Caceres, hain zuzen. Partida zaila izango dute otsoek sasoia hasteko, baina Ierai Aizpitarte eta Mikel Olaizola jokalariek garbi dute larunbateko partidatik harago joango dela urtea.
Taldea osatzen eta egonkortzen dihardute biek Iñaki Merino entrenatzaile berriaren aginduetara. Hain zuzen, entrenatzaileaz, taldeaz, helburuez eta beraien buruez hitz egin dute Gukako kameren aurrean Aizpitarte eta Olaizola azpeitiarrek:
