Gaur, asteazkena, Azkoitiko Udaleko ordezkariek udalbatzarra egingo dute 19:00etan, udaletxeko aretoan. Besteak beste, 2017rako udal aurrekontuak izango dituzte hizpide gaurko bilkuran.
Honako hau da udalbatzarraren gai zerrenda:
1.- Aurreko bilkuraren aktaren onespena, hala badagokio.
2.- 2017rako udalaren, San Jose egoitzaren, Zubiaurre-Elkargunearen eta Azkoitia Lantzenen aurrekontuen eta aurrekontu kontsolidatuen onespena.
3.- Kreditu gehigarrien bidez, kredituak aldatzeko 6. zenbakidun espedientearen onespena.
4.- Azkoitiko Hiri Antolakuntzaren araudietako 10.2 sektoreko (Txalonerreka) partzelaren doako lagapenaren, Azkoitia Lantzen SAren, aldeko espedientea onestea.
5.- Loiola Berrikutza Fundazioak 2016ko memoria txostena deituriko dokumentuan jasotako enplegu arloko ekintzak egiteko diru-laguntzaren emakida arautuko duen lankidetza hitzarmenaren onespena.
6.- Gipuzkoako Ur Kontsortzioaren estatutuen aldaketa.
7.- Organismo autonomoetan PSE-EE udal taldeko ordezkariaren izendapena onestea.
8.- EH Bildu eta EAJ udal taldeek segurtasun indarrei buruz aurkeztutako mozioa.
9.- EH Bildu udal taldeak jolas ez sexisten inguruan aurkeztutako mozioa.
10,. Behin betiko onespenen berri ematea.
11.- Aurrekontuari buruzko informazioa.
12.- Galderak eta erreguak.