Getariako portuan da jada Mater ontzi museoa. Hilabete hasieran hasi zuen urteroko ibilbidea Bizkaiko hiriburuan, eta lurralde horretako hainbat portu bisitatu ondoren, Mutrikutik barrena iritsi zen Getariara.
Igandera bitarte, hainbat ekintza egiteko aukera –ikus hemen egitaraua– emango diete herritarrei nahiz bisitariei, betiere itsasoko hondakinen aurrean kontzientziatzea helburu.
Gaur arratsaldean, esaterako, hondakinak biltzen aritu dira herrian zehar, ontzian bisita gidatuak eskaintzen zituzten bitartean. Hala, Getariako ontziaren historia azaldu diete herritarrei, baita beraiek egiten duten lanaz eta inguruko biodibertsitateaz informazioa eman ere.
Materreko arduradunak gustura dira Getarian izaten ari diren harreraz; hala kontatu dio Guka Telebistari Markel Elizalde eskifaiako kideak.