Getarian hasi dute jaiak amaitzeko atzera kontaketa. Ostiralean eguraldi tristearekin hasi zituzten salbatoreak, eta gaur eguzki galdatan amaituko dituzte. Horregatik, gaurko antolatutako ekintza nagusia ezin aproposagoa da: uretako puzgarriak jarri dituzte, izan ere, frontoian eta plazan, adin guztietako haurren gozagarri.
Eguerdian 13:30 arte egon dira erabilgarri, eta arratsaldean, 16:00etatik 18:30era ere zabalik izango dira ur jolasak.
Umeen Eguna ospatzen ari dira, baina helduek ere badute zer gozatua azken egunean, gaurko egitarauan ikus daitekeenez. Besteak beste, batukada egingo dute hainbat herritarrek iluntzean, eta gauean erromeria izango da. Bandera jaitsiera gauerdian izango da, eta txosnagunean mozorro gaua ospatuko dute. Ordu txikietara arte jarraituko du festak, gainera.
Egitaraua:
- 11:00-13:30 eta 16:00-18:30. Haurrentzako ur parkea, frontoian, plazan eta Berdura plazan.
- 19:00. Buruhandiak kalez kale.
- 19:00. Ustekabe txaranga, kalez kale, plazatik abiatuta.
- 21:30. Herritarren batukada.
- 22:30. Zezensuzkoa, plazan eta frontoi inguruan.
- 23:00. Erromeria Laiotz taldearekin, plazan.
- 00:00. Bandera jaitsiera Getariako Musika Bandak lagunduta, eta festen amaierako traka.
- Ondoren. Laiotz musika taldearekin dantzaldia, plazan.
- 00:00. Mozorro gaua eta Mojito’s Night, txosnagunean. Gaia, marrazki bizidunak.
- 00:30. Andoni Ollokiegi eta DJ Maixa eta Malakias, txosnagunean.
- Jarraian. Karaokea, txosnagunean. Ondoren, jaiei amaiera emateko, apar festa toki berean.
