2000. urteko azaroaren 1ean hartu zuen Jose Luis Frantsesena organo jotzaile azpeitiarrak Azkoitiko Andre Mariaren Jasokundeko parrokiako Cavaille-Coll organoaren titulartasuna, eta 25 urte geroago, egun berean, aitortu zioten azpeitiarrari mende laurdenean egindako ibilbidea. Gertukoek, herritarrek, udalak eta parrokiako taldeak eskertu dute hark egindako lana. Maisutasunez aritu zen hura teklatuan, eta askotariko errepertorioa eskaini zuen Mariatxen Urkia sopranoarekin batera.
Jose Luis Frantsesena organo jotzaile azpeitiarra omendu zuten atzo, zapatua, Azkoitian. Atzoko egunez bete zituen musikariak 25 urte Azkoitiko Andre Mariaren Jasokundeko parrokian dagoen Cavaille-Coll organoan. Hain justu, aurreneko kontzertua eman zuen egun bera baliatu zuen Frantsesenak atzo, 25. urteurreneko kontzertua eskaintzeko; Mariatxen Urkia sopranoarekin batera aritu zen hura, eta jendetza elkartu zuen emanaldiak.
Erlazionatuak
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide