Branka eguneko zentroaren aurrean utzita zeuden bizikleten kontra eraso egin dutela salatu du bizilagun batek. Azaldu duenez, giltzarrapoak kendu dituzte, eta bizikleta batzuk desagertu egin dira, beste batzuk, berriz, inguruan botata azaldu dira.
Bizilagun horrek jakitera eman duenez, soilik Branka parean bizikletak uzteko eremuan egin diote eraso, inguruan aparkatuta zeuden gainontzeko bizikletak ez dituzte ukitu. Salatu du, bestalde, udaleko langileek kaltetutako bizikletak erretiratu dituela jabeei abisatu gabe.