Pasa den asteburuan El Salvadorren Munduko surf txapelketa irabazi zuen Janire Gonzalez-Etxabarriri omenaldia egin zion atzo Ziske surf elkarteak. Haren ohorez dantzatutako aurreskuaren ondoren, Kofradiako balkoira atera zen eta han txapela jarri zioten, baita udalaren oroigarria jaso ere. Harrera ekitaldiren bat espero zuela esan zuen, baita zumaiar izateaz harro zegoela ere.
Gukak egindako galderak ere erantzun zituen. Honako bideoan ikus daiteke ekitaldiko laburpena.
