Atzo, Maiatzaren Lehenean, inoiz baino ozenago eskatu zituzten dozenaka herritarrek lanpostu, pentsio, zaintza eta osasungintza sistema duinak. Izan ere, 18:30 inguruan, Balenciaga ontziola abiapuntu hartuta, manifestazio jendetsua egin zuten herria zeharkatuz, txosnaguneraino heldu arte.
ELA, LAB, ESK, Balenciaga ontziolako langile batzordea, Ernai, Zumaiako Gazte Asanblada, Ikama, Zumaiako Pentsiodunak, ZUOPA Zumaiako Osasun Publikoaren Aldeko plataforma, Zumaiako Mugimendu Feminista, Malen Etxea eta Sortu eragileek deitu zuten atzoko protesta.