Atzo, zapatua, Gazte Eguna ospatu zuten Zestoan. Goizean, txirrindularien 38. Ondarbasoko Igoera jokatu zuten plaza eta Ondarbaso artean, eta bazkalosteko etenaren ostean, beste kirol hitzordu bat izan zen herrian: frontoi zaharreko eskuz binakako pilota partida. Gorriz aritu ziren Sasian eta Egaña, eta urdinez Olaizola eta Alonso.
Lehia estua bezain gogorra jokatu zuten lau pilotariek, eta azkenean atzo urdinez jantzita aritu ziren Olaizolak eta Alonsok lortu zuten garaipena. Ordea, gorriek –Sasiain eta Egaña– garesti saldu zuten garaipena; izan ere, 22-21 amaitu zen partida. Ohi bezala, herritar ugari bildu zen aire zabaleko pilotalekura bi bikoteen lehia ikusteko.
(Argazkiak: Oier Arregi)