Irailaren 5eko Umeen Eguneko bazkariko txartelak salgai jarriko dituzte Erdikalean bihar 19:00etan eta etzi, ostirala, 13:00etan. Bazkari herrikoia kiroldegian egingo dute, 14:30ean.
Jai giroa asteburu honetan piztuko da Zestoan: larunbatean Gazte Eguna ospatuko dute eta igandean, berriz, jubilatuena. Hala ere, Umeen Egunak emango dio hasiera ofiziala Zestoako amabirjinei, irailaren 5ean botako baitute txupinazoa, 12:00etan.
Hortik aurrera, haurrei zuzendutako ekimenak antolatu ditu udalak egun horretarako: 15:30ean haurrentzako tailerrak hasiko dira, eta 17:30ean Lopene ganadutegiko poniak egongo dira plazan.