Ampo taldeko Oxel Azkaratek irabazi du Zestoako Gurutzeaga Txirrindulari Sariketa. Atzo, igandez, jokatu zuten junior mailako 82 kilometroko proba, eta omenaldirako tartea ere izan zen; izan ere, lasterketa hasi aurretik minutu bateko isilunea egin zuten joan zen astean Benidormen hildako Jagoba Etxezarreta txirrindulariaren eta haren familiaren omenez. Animo Danel zioen pankarta zabaldu zuten lasterketa hasi aurretik.
Iragarpenen kontra, eguraldi onarekin jokatu zuten Gurutzeaga Sariketa, eta jende ugari elkartu zen errepide ertzetan txirrindulariak animatzera. Ampo taldeko Oxel Azkarate izan zen helmugara iristen aurrena, 02:07:57 denborarekin. Anje Urruzola sailkatu zen bigarren, irabazleari 38 segundoko aldea ateratara eta Iker Villasante hirugarren, 40 segundoko aldearekin. Iraetako Aratz Unanue izan zen helmugaratu zen lehen zestoarra. Mendiko saria Oxel Azkaratek lortu zuen eta taldekako saria, Ipar Maquina-Dimaq taldeak.
Azkarateren hitzetan, "lasterketa gogorra" izan zen atzokoa, baina "erritmoa jartzea eta eustea" lortu zuela nabarmendu zuen helmugara iritsi berritan. Atzoko irudiekin osatutako bideoa da honako hau. Sailkapena osorik, hemen.
Argazkiak: Danbolin