Zestoan indarkeria matxistaren biktima diren emakumeei arreta emateko erakundeen arteko koordinazio eta arretarako lehen protokoloaren lehen berrikuspena sinatu dute gaur goizean.
2023an sinatu zuten protokoloa sei erakundek: Zestoako Udalak, Ertzaintzak, Osakidetzak, Zestoako Herri Eskolak, Arroako Eskolak eta Aizarnako Eskolak. Jatorrizko dokumentua indarrean jarri zenetik bi urte igaro direnean, hura berrikusi eta zenbait egokitzapen egin dizkiote, eta testu berria berrestea da erakundeetako ordezkariek gaur sinatu dutena.
Mikel Arregi Zestoako alkatea; Jose Jabier Peña Urola Kostako Ertzain-Etxea unitateko burua; Cristina Gonzalez Urola Kostako indarkeria matxista kasuetako ertzain arduraduna; Agustin Agirre Osakidetzako OSI Donostialdeako zuzendaria; Oroitz Manterola Aizarnako eskolako zuzendaria; Olatz Urbizu Zestoako anbulatorioko erizaina eta Haritz Iraola Zestoako udaltzaina izan dira, besteak beste, gaurko ekitaldian. Zestoako Herri Eskolako eta Arroako Eskolako ordezkaririk ez da izan gaur udaletxean, baina haiek ere sinatuko dute berrikusitako dokumentua.
Lau urterako sinatu dute berrikusitako lehen protokolo hori. Ondo bidean, lau urte barrua onartuko dute protokolo berria.