Joan zen ostiralean, uztailaren 5ean, jokatu zituzten 2024ko Zestoako Txokoko Pilota Txapelketaren finalak, eta urtero bezala ikusmin handia sortu zen partiden bueltan. GUKA telebistak osorik grabatu zituen neurketak, eta ikusgai jarri ditu osorik.
Iazko garaileek, Adonisek eta Anerrek, txapela berritu zuten. Markagailuan 30-23 nagusitu ziren Xabaten eta Mattinen aurka jokatutako neurketan. Hirugarren sailkatu ziren Mikel eta Kixkurra, Juleni eta Joni 30-24 irabazita.