Saio bereziak

Helduen danborrada egin zuten atzo San Pelaio bezperan. Urtero bezalaxe, jendetza bildu zen Lege Zaharren Enparantzan. Gaualdera euria hasi arren, herritarrek gogo biziz gozatu zuten danborradaz. Helduen Danborradaren 25. urteurrena ospatu zuten, 2001ean elkarteen lehen danborrada hartan parte hartu zuten lau elkarteetako antolatzaileak omenduz. San Pelaio makila, berriz, Zarauzko Turismo Bulegoko zuzendaria zen Ana Mari Esnalek jaso zuen, hainbeste urtez danborradan eta herriko festen antolakuntzan emandako laguntzagatik.

Arratsaldeko 18:30ean ekin zioten aurtengo haurren danborradari. Vista Alegretik gorriz jantzita atera ziren Sara Garate eta Telmo Esnaola, arotzekin eta plantxatzaileekin lagunduta, eta Igandea txarangaren doinuekin; talde berdea Iñurritzatik atera zen, Eilidh Sedano eta Jon Galparsoro zuzendarien gidaritzapean, eta Mauxitxa txarangarekin batera; Maier Mendizabalek eta Nahia Manterolak zuzendu zuten Azken Portuko taldea, urdinez jantzita, eta bañeru, inude eta Gauerdi txarangarekin; eta azkenik, talde horia Itxasmendi auzotik irten zen, Irati Arizmendi eta Andoni Txurruka zuzendariekin, eta Pasai txarangarekin egin zuten ibilbidea.

Azkoitiko Pilotari Egunaren harira, Eneritz Arrieta, Itxaso Erasun eta Naroa Agirre pilotariek solasaldia eskaini zuten ostiralean, Txulue elkarteak eta Gukak elkarlanean antolatuta; pilotari gisa bizi izan dituzten esperientziak, emakume pilotarien egungo egoeraren inguruko hausnarketak zein etorkizunerako dituzten nahiak eta proposamenak partekatu dituzte. Gukakideentzako eduki berezia da hau. 

Giro bikain eta paregabean ospatu zuten atzo aurtengo Santa Marina auzoko danborrada. Danbor doinuen erritmoan eta herritarren txalo artean zeharkatu zituzten herriko kaleak.

Zarauztarren aurka Azpeitiko saioa irabazita, Gipuzkoako Herriartekoaren finalerdietara sailkatu dira Zaharrak Berri taldekoak. Urola Erdiko eta Urola Kostako talde irabazleek larunbatean jokatu zuten saioa Sanagustin kulturgunean. Zarauzko Allepunta taldeak txapelketa agurtu behar izan du. Azpeitiko saioa da honako hau. 

Gauerdia iristearekin bat, Jose Luis Saizabal Etxeberri arrantzale ohiak igo du bandera San Telmo egunari ongi etorria emateko, eta beste behin, momentu hunkigarria izan da zumaiarrentzat. Saizabal pozik agertu da Guka telebistaren aurrean. 

Haurren danborradarekin eman diote hasiera gaur goizean San Telmo bezperari. Eguraldia lagun, ehundaka herritar atera dira kalera gaztetxoak agurtzera eta jaietako abestiak kantatzera. Iluntzean helduen txanda izango da danborrak astintzeko, 22:15ean hasita. 

Asteburu osoko tarte euritsuenak bat egin zuen atzo arratsaldean Azkoitiko haur danborradarekin. Eguraldiak erabat baldintzatu zuen, horrenbestez, umeen danbor festa; Sahatsaren 50. urteurrenari eskainitako karroza hutsik gelditu zen, eta Azoka Plazatik Gurea frontoira joan behar izan zuten zuzenean. Hala ere, gogoz ospatu zuten festa.

Korrikaren 24. edizioa joan zen asteazkenean eta atzo igaro zen Urola Kostatik. Bi egun horietan hartutako irudiekin nahiz herritarren adierazpenekin osatutako ikus-entzunezkoa da honako hau.

Joan zen asteburuan izan ziren Urola Erdiko nahiz Urola Kostako finalak, Azpeitian nahiz Orion, hurrenez hurren. Bi saio horietako bertsoaldi onenak jaso ditu Gukak saio berezi batean, baita bertsolarien adierazpenak ere.

Karnabalen izpiritua inoiz baino indartsuago aldarrikatu zuten atzo Azpeitiko festazaleek. Euri erauntsiari imajinazio erauntsiarekin erantzunez, Alde Zaharreko kaleak mozorroz eta umorez bete zituzten ehunka herritarrek. Sariarekin zein saririk gabe, gau giro petrala festa giro mundial bihurtu zuten guztiek egin zituzten merituak.

Udal Musika Bandaren goiz eresiak ehunka herritar elkartu ditu kalejiran. Karnabalak azken txanpara iritsi dira, baina datozen orduetan ere festa giroa izango da nagusi.